Fullført årsmøte og årsmøtedokument
Årsmøtet for 2021 vart gjennomført laurdag 26. mars klokka 14.00 i audioriet ved stallen på Fosshaugane Campus. Det var i alt 13 som møtte. Møtet gjekk føre seg med vanlege årsmøtesaker. Nytt i år er at det for aller fyrste gong vart delt ut heidersteikn frå Saftkokaradn. Det har ikkje vore mogleg å dele ut eit slikt heidersteikn tidlegare, men etter vedtak på årsmøte for 2020 kunne styret no dele ut dei to fyrste. Dei to som fekk tildelt Saftkokaradn sitt heidersteikn var Eirik Bakke og Vidar Vadseth. Under kjem dei tinga som det kan vere greitt å merke seg frå årsmøte. Alle årsmøtedokumenta finn du nederst i denne saka eller under årsmøte her på heimesida.
Utanom tildeling av heidersteikn vart møtet gjennomført på tradisjonelt vis. Det vart gjort nokre vedteksendringar som du kan lese i dokumentet nederst i saka. Av dei kan ein merke seg at Saftkokaradn no også er offisiell supportargruppa for Sogndal FK damer. Dette er noko styret har hatt dialog med styret i Sogndal FK damer om, og me ser fram til å utvikle dette vidare til eit godt samarbeid. Det vart også gjort små endringar under medlemmar, og årsmøtets gang.
Det vart i slutten av årsmøte valt nytt styre. Dei som var på val var: leiar: Øyvind Heimset Larsen, nestleiar: Tonje Norheim Tangerud, styremedlem: Martin Salbu og styremedlem: Bente Mossige Ask. Valkomiteen innstiller Øyvind Heimset Larsen som leiar for 1 nytt år. Valt ved akklamasjon. Styremedlem Tonje Norheim Tangerud og Martin Salbu tek attval. Valkomiteen innstiller begge til to nye år. Valt ved akklamasjon. Styremedlem Bente Mossige Ask ynskjer ikkje attval. Valkomiteen innstiller Sondre Bremer som nytt styremedlem for 2 år. Valt ved akklamasjon. Styret innstiller Bente Mossige Ask og Vidar Vadseth som valkomité for eit år. Valt ved akklamasjon.
Det betyr at det nye styret består av Øyvind Heimset Larsen som leiar, Tonje Norheim Tangerud, Therese Langeland, Sindre T. Myrvang, Martin Salbu, Geir Marcus Molland og Sondre Bremer (ny). Valkomiteen er Bente Mossige Ask og Vidar Vadseth.
Her kjem årsmøtedokumenta:
Du finn også desse under årsmøte her på heimesida. Under kjem bilete frå årsmøte.