- Eg fekk gåsehud
I den nyaste episoden av Stao no Pao podkasten fekk me besøk av Jónatan Jónsson! Han vart kåra til månadens spelar for mai, og har no fått premien sin.
Dette var dagen etter den spennande kampen mot Stabæk og me spurte han om kva som skjedde på 4-0. «Eg trur me vart for komfortable når me leda med 4-0» Ein av målscorarane frå denne kampen, Hördur Gunnarsson, har Jónatan kjent lenge: «Me har kjent kvarandre sidan me var fire år gamle og me har vore vennar lenge. Me har spelt mykje saman, og det var kjekt at me havna i Sogndal i lag»
Hördur var også ein viktig faktor for at Jónatan valgte Sogndal framfor andre klubbar. «Ja eg snakka naturligvis med Hördur, og eg trur Sogndal snakka med han om meg også. Men det har også vore andre islandske spelarar, som Emil Pálsson i fjor. Alle eg har snakka med sa mykje positivt om Sogndal»
Jónatan sitt fyrste mål scora han i bortekampen mot Brann. Med godt over 750 bortesupportarar var det ein stor opplevelse. «Eg fekk gåsehud, og det var så mange folk på stadion. Allerede når me varma opp var bortefeltet nesten heilt fullt. Eg hadde veldig lyst til å starta den kampen, men starta på benken. Då var fokuset at eg skulle koma inn og bidra om eg fekk sjansen»
På spørsmål om korleis han trives i Sogndal svara han: «Eg likar plassen godt, og det gjer familien min også. Kjærasten min og dattera mi er her, og likar også plassen godt. Det hjelper også at Hördur og Valdimar er her når me gjer ting på fritida.»
Han har også vorte positivt overraska over stadion og atmosfæren på kampane: «Den er veldig bra. Me har vore på nokre stadionar i Obosligaen no, og at me har ein så stor og fin stadion her er litt overraskande. Sammenligna med KFUM, Skeid, Grorud og Stjørdals Blink har me ein mykje bedre stadion. Og atmosfæren er god, med bra fans. Eg vart overraska over kor bra da var her.»
Resten av podkasten kan du høyra på Apple podkast, Spotify eller YouTube!