- Eg gleda meg veldig då det skulle bli straffekonk. Det var min sjanse til å vise meg fram!

I denne episoden av «Stao No Pao» fekk me besøk av Renze Fij. Sogndal sin målvakt vart kåra til månadens spelar i juni, og har hatt ein god sesong i år. Me tok oss ein prat om karrieren hans så langt, denne sesongen og framtida i tillegg til mykje anna. Keeperen legg ikkje skjul på at han framleis har eit mål om å spele på det øvste nivået i Nederland. «Eg vil spele på det høgaste nivået, men det kan eg også gjere i Sogndal om det blir opprykk.» Fij fekk aldri ein skikkeleg sjanse i den nederlandske toppdivisjonen, men har ikkje heilt gitt opp håpet sjølv om han blir 30 i år. «Eg kan framleis spele i ti år til!» seier han spøkefullt.

Han seier også at han har det veldig fint i Sogndal, og at han går på språkkurs for å lære seg norsk. Renze utmerka seg i straffesparkkonkuransen i cupen mot KFUM Oslo då han redda to straffar, og sendte Sogndal vidare. «Eg gleda meg veldig då det skulle bli straffekonk. Det var min sjanse til å vise meg fram!» Og å vise seg fram, klarte han mildt sagt! «Eg spurde keepertrenar Geir Stenehjem om han visste noko om straffeskyttarane til KFUM. Han visste berre noko om ein av dei.» Likevel klarte Renze og hoppe rett veg på fleire av straffesparka. «Eg hadde kanskje måtte ta neste straffe om det skulle bli nødvendig. Mathisen fekk seg ein smell rett før slutt, og det var ikkje sikkert at han kunne skyte. Eg har berre teke straffespark på juniornivå tidlegare. Eg trur til og med at eg har bomma før!» avslører Fij.

Podkasten finn du på Apple podkast, Spotify og YouTube!

Teskt: Sondre Bremer