- Me skulle ha vore tøffare med å behalde eit par spelarar litt lenger

Me fekk besøk av Eirik Bakke i podkasten for å ta ein prat. Der opna Bakke opp om tida som trenar og spelar i Sogndal, å vere sonen til den største spelaren som har vore i Sogndal i tillegg til framtidsplanane hans.

Eirik fortel at faren, Svein Bakke, var ein viktig grunn til at han blei trenar i Sogndal. “Eg tenkte aldri at eg skulle bli trenar, men eg tok trenarkursa berre for å få gjort det. I 2014 då Sogndal rykka ned, byrja eg å savne å vere i fotballgarderoben. Pappa overtalde meg om at no må eg tilbake, og få inn igjen den kulturen som Sogndal skal stå for.” Etter å ha overtala styret i klubben, fekk Eirik jobben som hovudtrenar. Allereie i fyrste sesongen vart det opprykk.

Det blei til saman sju år som trenar i Sogndal for Bakke, og sjølv om det blei ein del suksess, er det noko han ser tilbake på og irriterer seg over. “Det irriterer meg framleis at me skulle ha vore to fleire år i Eliteserien, og det kunne me ha vore. Me vart den klubben i Noreg som har seld flest spelarar til det høgste nivået, og det skal me vere stolte av. Det har kosta litt, og i ettertid så ser eg at me skulle ha vore litt tøffare med å behalde eit par spelarar litt lenger.”

Resten av intervjuet kan du høyre på Apple Podcast, Spotify og YouTube.

Tekst: Sondre Bremer