3 nye poeng x2!

Det vart mykje jubel og god stemning på Fosshaugadn denne helga med seier for både Sogndal FK damer og Sogndal!

Sogndal FK damer starta showet søndag klokka 12. Dei tok i mot Snøgg til den andre heimekampen for sesongen. Det vart til slutt ein målfest utan like. Anna Grindhaug opna med scoring før 2 minutt var spelt, og når Marte Hovland satte inn 8-2 på overtid var overkøyringa komplett! Alle måla vart scora av Anna Grindhaug, Henriette Aalen Vindheim med to mål, Emma Sæbø med hattrick, Kristine Hovland og Marte Hovland. Ein fantastisk seier, og tabelltopp!

På mandag var det herrane sin tur! Det vart ein tøff kamp som starta ganske treigt. Kongsvinger opna klart best og fekk uttelling. Jesper Grundt vann ballen frå Ulrik Mathisen på midtbana og berre banka til. Ballen gjekk i ein flott boge over alt og alle og i mål. Forferdelig start på kampen, og 0-1.

Etter 26 minutt fekk me frispark på høgresida. Jonatan Jonsson svinga ballen inn og der stanga Mathias Blårud inn 1-1. Fortjent utlikning etter ein god periode. Allerede 10 minutt seinare skulle da komma eit til! Eit fantastisk kombinasjonsspel mellom Hördur Gunnarsson, Jonatan Jonsson og Ulrik Mathisen enda med at Hördur vart spelt igjennom. Han slo eit perfekt innlegg langs bakken til Andreas Hoven på bakerste. Han plasserte den elegant i lengste hjørna. 2-1 til pause. Det vart også sluttresultatet.

To fantastiske kampar som enda i 3 poeng til kvart av laga. Sogndal FK damer ligg no på tabelltopp etter ein fantastisk start. Sogndal ligg på ein fin fjerdeplass etter tre sigrar og to uavgjort! Stao no Pao!

Forrige
Forrige

Opning av Fjøra Pub og Pizza!

Neste
Neste

Seier for Sogndal FK Damer!