Innkalling til årsmøte i Saftkokaradn i 2022 (for 2021)

Stad og tid: Auditoriet ved Stallen på Campus, laurdag 26/3 fra kl.14.00-16.00

Styret kallar inn til årsmøte i Saftkokaradn før treningskampen mot Brann den 26.mars.

Agenda vert vanlege årsmøtesaker.

Fristen for innsending av forslag og vedtektsendringar er to dagar før (e-post er tilstrekkeleg). Årsmøtepapir vert i hovudsak lagt fram på årsmøtet.

Også i år kjem styret til å fremje forslag om å revidere /oppdatere vedtektene. Dette gjeld td. formulering om årsmøtedato for å underbygge intensjonen bak formuleringa i vedtektene no som er å ha årsmøte på første heimekamp. Det viktige er å samle flest mogeleg medlemmar til vårt årsmøte. Og sidan første heimekamp vert på måndag mot eit anna lag enn Brann tyder alle signal på at vi får fleire medlemmar med oss på denne datoen.

Styret har vedteke at dette blir eit fysisk møte utan videodeltaking.

Vi tingar- i gamal tradisjon frå Lægreid - pizza. Men i år frå Pizzabakaren og vi vil kort tid i forkant legge ut eit påmeldingskjema på fb-sida vår der du og kan legge inn om du deltek, vil ha pizza, og har allergiar vi må ta omsyn til.

I forkant av årsmøte vil vi og stå ein time på stand i hallen på eit større arrangement i regi av klubben, så møt gjerne tidleg.

Styret minner deg om å betale for ditt medlemsskap før årsmøte.

Observatørar utan medlemsskap, som klubb, media og nysgjerrige, får gjerne delta utan taletid og stemmerett, men pizza vert betalt av medlemspengar, så der prioriterer vi.

Til orientering:

Vi utset jubileumsfeiringa og gjer ny vurdering i nytt styre. Refusjon av innbetalt eigendel i det utsette desember-arrangementet vert gjennomført etter avtale enkeltvis.