Bli kjend med ein saftkokar! - Kåre Salbu
Kåre Salbu vart fødd 12. desember 1981, han kjem frå Vik i Sogn og er oppvaksen på garden Husstavenes i Arnafjorden. Kåre vart medlem av saftkokaradn i 2009, og har vore medlem i 13 år etter denne sesongen. Vidare får du vite litt meir om supportarlivet til Kåre og kva han gjer på utanom fotballen.
Kven er favorittspelaren din i dagens tropp? Og kvifor likar du han?
- Det er Akor Adams. Han er ein god og sterk spelar som det ikkje er mange av i OBOS. Han tar kontroll over ballen når han har den.
Kven er din favoritt Sogndalspelar nokon gong?
- Det må bli Sigurd Haugen. Han hadde i gjennomsnitt 1 mål per kamp i slutten av Sogndalkarriera si.
Gjennom mange år med fotball blir det mange oppturar og nedturar, men også mange gode minner. Frå 2009 og fram til i dag har Kåre opplevd mykje. Det aller beste minnet var i frå 2010 då me rykka opp i frå Adeccoligaen til Tippeligaen. Det resulterte i god stemning og ein Sogndaltatovering på ryggen. Men so er da jo mange nedturar og vonde opplevingar også. Det verste minnet for Kåre er eit veldig ferskt eit. Opplevinga i heimekampen mot Stjørdals Blink der Emil Pálsson fekk hjertestans midt på bana sit igjen som den verste. Heldigvis har det gått fint med Emil, noko me alle er veldig glade for.
Kva er ditt beste fotballminne utanom Sogndal?
- Mitt beste fotballminne er da Norge slo Brasil i 1998, og Rekdal scora på straffe i det 89 minutt slik at Norge vann 2-1.
Kva er det fyrste minne du har med Sogndal?
- Det fyrste minne eg har med Sogndal er når eg vart med Karl-André Dale på heimekamp. Det var då eg vart heilt frelst i Sogndal. Det var ei super oppleving, så takk Karl-André for at du fekk meg inn i denne galskapen. Hugsa ikkje heilt kven dei spelte mot. Den fyrste bortekampen var mot Brann, men årstall hugsar eg ikkje.
Kva er den største stadionen du har besøkt? Og kva kamp såg du?
- Den største eg har besøkt er stadionen til Barcelona, Camp Nou. Eg var der på ferie og det var open stadion. Stadion var gigantisk, men det var ingen kamp der då. Brann stadion er vel den største eg har sett ein kamp på.
I dag bur Kåre i Vik og han jobbar som matros på supplybåt i nordsjøen. På fritida brukar han mykje tid på dattera si, og ikkje minst sambuaren. Utanom det reiser han på så mange Sogndalkampar han greier.
Tusen takk til Kåre! Stao no Pao!