Poengdeling mot Blink

Det vart nok ein spesiell kamp når heimakampen mot Stjørdalsblink skulle spelast ferdig. Kampen byrja på 12 minutt spelt, 1-0 til Sogndal og eit bytte på kvar av laga. Dessverre klarte ikkje gutta å halda leiinga og sikra seieren.

I den fyrste omgangen hadde ingen av laga dei heilt store sjansane. Heimelaget fekk til nokon gode innlegg frå Eid på høgresida, men alt av avslutningar gjekk over eller til sida for mål. I andreomgang kom Andreas Hoven inn. Han hadde eit par store sjansar det keeper Sandberg måtte i aksjon. Stjørdals Blink hadde også nokon farlegheiter, blandt anna der Martin Roseth hadde ein redning på streken. Rett før slutt fekk dei scoringa si. Joachim Olufsen med eit godt innlegg frå høgresida inn mot Vegard Fiske som styrte ballen enkelt i mål. 1-1 i ein kamp der poengdeling var fullt fortjent.

Det beste å ta med seg frå denne kampen er at me fekk sjå Emil Pálsson tilbake på Campus igjen. Kjekt å sjå at han har det bra. Ellers leverar vår kjære juniorsvingen på høgt nivå igjen. Soleklart banas beste! Tusen takk til alle som møtte opp. Neste kamp er heime mot Start laurdag 20. november klokka 15.00. Det er den foreløpig siste heimakampen denne sesongen så møt opp! Stao no Pao!