Ein imponerande sesong for Sogndal FK Damer!
Den fyrste sesongen for Sogndal FK Damer er ferdigspelt, og den enda med suksess. Den nyoppretta klubben enda på ein sterk andreplass på tabellen og er no klare for den nye 2. divisjon i 2023!
Sesongen starta på best mogleg vis med storsiger på bortebane. Den vart fulgt opp med ein sterk 2-1 siger mot Frigg på heimebane. Det var den fyrste kampen på Fosshaugane Campus og det var god stemning med mykje folk på den kampen. Det vart ein tidleg exit i NM mot Loddefjord, men i den neste seriekampen mot Snøgg vart det målkalas og 8-2 siger. Det ga 9 av 9 moglege poeng i seriestarten og mykje sjølvtillit vidare i sesongen.
Det fyrste serietapet for sesongen kom på bortebane mot eit sterkt KFUM-lag i solsteiken på Ekeberg. Kampen enda 3-0 til heimelaget og det var tydleg forskjell på laga. Her arrangerte me også den fyrste borteturen for sesongen. Det vart ein kjekk tur sjølv om kampen dessverre enda med tap. Den påfølgjande heimekampen enda med 2-2 mot Lyn 2. Ein kamp der Sogndal snudde 0-1 til 2-1 like før slutt, men dessverre tapte to poeng på overtid. Bileta er frå bortekampen mot KFUM
Sesongen fortsatte med ein overbevisande bortesiger mot Øvrevoll Hosle 2 og eit meget solid poeng mot suverene Grei. Kampen mot Grei enda 0-0 og det var den fyrste kampen Grei tapte poeng denne sesongen. Den sterke prestasjonen vart fulgt opp med 3 poeng heime mot Hønefoss 2 og ein sterk 1-0 siger borte mot eit bra Ull/Kisa-lag. Dette var også sesongens andre bortetur for oss i Saftkokaradn. Ein veldig kjekk tur som vart krona med ein skikkelig sliteseier og 3 poeng.
Kampen etter var det duka for Lerum Cup i bygda og masse folk på stadion. Det vart talt over 600 tilskodarar på kampen og laget leverte ein flott 5-0 siger mot Bærums Verk Hauger. Så kom ein ny vanskeleg bortekamp mot Frigg. Til denne kampen arrangerte me årets tredje bortetur, og denne gongen var det også veldig bra oppmøte. Det vart ein tøff og gjamn kamp som Sogndal vann 1-0 etter scoring av Emma Sæbø. 3 veldig viktige poeng og god stemning. Dessverre vart kaptein Andrea Henjesand skada denne kampen, og det var tidleg klart at ho mista resten av sesongen. Biletet under er frå bortekampen mot Frigg.
Foto: Sogndal FK Damer
Siste halvdelen av sesongen fortsatte slik den fyrste gjekk. Den fyrste kampen vart vunne 3-0 heima mot Ull/Kisa. Deretter sikra dei ein viktig 1-0 siger borte mot Bærums Verk Hauger. Så kom det to tøffe kampar mot Grei og eit sterkt Lyn 2 lag med fleire toppseriespelarar. Det vart 2-0 tap mot Grei, etter ein god kamp mot eit godt lag. Kampen borte mot Lyn 2 enda med 3-0 tap. Heimekampen mot Høybråten og Stovner vart vunne 3-0 på walkover då motstandaren ikkje kunne stille lag, bortekampen mot Snøgg enda med 2-0 siger. Heimekampen mot Øvrevoll Hosle 2 enda med nok ein overbevisane 4-0 siger.
Den siste bortekampen for sesongen gjekk mot Hønefoss 2 på Aka Arena i Hønefoss. Dette vart også årets fjerde og siste bortetur med oss i Saftkokaradn. Denne turen reiste me med minibuss og etter litt forfall i siste liten var med fortsatt 9 stk som tok turen. Kampen var prega av totaldominans mot eit mål utan å få utteljing. I fyrsteomgang kunne det fint vorte scora 6, 7 og 8 mål, men laga gjekk til pasue med 0-0. Det avgjerande vinnarmålet kom frå Andrea Njøs i andreomgang. Ein viktig 1-0 siger som gjorde at ein kunne sikre andreplassen med siger eller uavgjort i siste kamp mot KFUM. På tribuna var det god stemning og trøkk, og veldig mange som hadde tatt turen for å støtta jentene.
Den avgjerande kampen for sesongen kom altså heime på Fosshaugane Campus mot KFUM. For å sikre andreplassen på tabellen måtte Sogndal anten vinna eller spela uavgjort. Henriette Vindheim sørga for 1-0 før KFUM utlikna til 1-1 seinare i kampen. Det vart også sluttresultatet og 2. plassen var eit faktum. Denne kampen var me 16 saftkokarar på feltet og stemninga var god gjennom heile kampen! Bileta under er frå etter kampen mot KFUM.
No etter sesongen skal me kåra årets spelar. Gå inn på Facebooksida vår for å stemme på den du meiner har vore den beste spelaren gjennom 2022! Me har hatt ein flott sesong på tribuna med Sogndal FK Damer, og me gler oss allereie til neste sesong og nye kampar! Stao no Pao!