Renze Fij er årets spelar 2022!

Årets spelar er kåra, og vinnaren vart Renze Fij! Vår nederlandske keeper vinn dermed prisen for andre år på rad. I 2021 vann han månadens spelar i både juli og august, og vart den einaste spelaren som vann månadens spelar to gonger den samme sesongen. I årets sesong enda han nok ein gong opp med to kåringar når han vart månadens spelar i både juni og august.

Renze har hatt mykje å gjere på bana i år, og han har levert mange viktige redningar for oss. Han har vore ei viktig brikke i gruppa, og ein spelar som leverer stabilt bra gjennom sesongen. Det viser også dei to prisane som månadens spelar. I kåringa av årets spelar på Saftkokaradn sine Facebooksider vann han med nesten halvparten av stemmene, og er tydeleg ein favoritt hjå mange.

I slutten av årets sesong vart han dessverre skada, og måtte difor tilbringe dei siste kampane på sidelinja. No er han heilt frisk igjen og tilbake i full trening. Etter treninga i dag tok me ein liten prat med han og overrakte han troféet. Han fortel at han no tek med seg familien heim til Nederland for å feire jul. Der skal han tilbringe tid med familien og lade opp batteria inn mot neste sesong. Han takkar alle som har stemt, og forsikra oss om at han skal gjere det han kan for å vinne også til neste år.

Tidligare i år var Renze på besøk i Stao no Pao podkasten. Episoden finn du på Apple podkast, Spotify eller YouTube!

Stao no Pao!