Josefine Thorsnes Lefdal er årets spelar 2022!
Årets spelar for Sogndal FK Damer er no kåra, og vinnaren vart Josefine Thorsnes Lefdal! Den 15 år gamle midtbanespelaren frå Gaupne vinn prisen i den fyrste sesongen som Sogndalspelar.
Josefine har levert ein veldig god sesong. Ho har spelt både som midtstoppar og som midtbanespelar, og levert veldig gode kampar i begge posisjonar. I kvar einaste kamp har ho i likheit med resten av laget sprunge mange meter og lagt ned ein enorm innsats. Det har også gjort at ho har fått sjansar på J15 landslaget og levert varene der. Josefine har utvikla seg mykje gjennom året og vore ei viktig brikke i laget. I tillegg noterte ho seg for to scoringar i løpet av sesongen. Alt dette resulterte i at ho vart stemt fram som årets spelar i Saftkokaradn sin kåring på Facebook. Gratulera so mykje!
Prisen skulle etter planen delast ut på avslutninga til Sogndal FK. Sidan Josefine var på turnering i Sverige med J15 laget til Sogndal vart den istaden delt ut etter trening på torsdag. I Sverige leverte jentene gode prestasjonar og spelte seg heilt fram til finalen. På avslutninga var det blandt anna utdeling av prisar, talar og ulike innslag med underhaldning. De kan lese meir om den på Sogndal FK Damer si heimeside ved å trykke her. Under kan de sjå bilete frå avslutninga teke av Therese Langeland og Jon Navarsete.
