Ny sesong - ny giv! Supportarhelsing frå hovudstaden!
No er me endeleg i gong igjen. Ei ny sesongoppkjøring starta forrige veke for Sogndal fotball. Eit nytt vendepunkt for alle som føl Sogndal i med og motgong - nemleg ein ny hovudtrenar og ein del utskiftningar i apparatet rundt. Tore Andre Flo og assistentrenar James Simmonds er i gong med det som blir ei spennande tid fram til me endeleg brakar i hop mot Raufoss på Fosshaugane 04.04.2022 18.00 (set eit kryss i kalenderen allerede no!). Då rullar endeleg den lokale og norske fotballen igjen.
Som Sogndal supportar busatt i Oslo blir det til tider vanskeleg å få med seg alle kampane som blir spelt, men allikavel får eg med meg ein god del både på og utanfor bana og ser uansett kampane om det er fysisk tilstades eller godt planta i sofaen - gjerne med noko lokalt øl eller drikke frå Lerum i glasset som den patrioten eg meinar sjølv eg er.
Siste vekene har eg gleda meg enormt til ei ny æra tek til på Fosshaugane. Ny trenar og ny giv kjem inn i gangane på stadion. Det var selvfølgeleg ei tid med opp og nedturar under Eirik Bakke, men uansett så er det kapittelet slutt for denne gong og me må sjå framover med ein ny hovudtrenar. Eg syns sjølv det er kult at Tore Andre får sjansen, og at han tek med seg mangen gode og nyttige erfaringar frå det store utland er det nok liten tvil om. Allikavel vel nokon å tenke at den manglande hovudtrenar-erfaringen trekk nedover og derfor at han skal starte med minus i margen. Slik fungerer det ikkje meiner eg, og det er ingen selvfølge at ein merritert og erfaren trenar gjer ein mykje bedre jobb i for eksempel Sogndal. Det er kult at Sogndal satsar på Tore Andre, samtidig som det er stilig at ein hedersmann mann med ei imponarende merittliste som spelar kjem “heim” til Saftbygda.
Eg meinar at bygda og samfunnet rundt Sogndal må sjå framover og tenke positivt på dei endringane som skjer no. Mange var veldig kritiske til Bakke under hans siste tid, og nokre vel fortsatt og vere negativ eller snakke ned det som skjer under ny ledelse. No må me stå saman som den sterke gruppa me kan vere, og med dette gi eit engasjement og ny energi inn mot ein ny spennande sesong. Det er lov å vere kritisk og eg meinar ikkje at alle skal lovprise alt som vert gjort på Fosshaugane, men me må faktisk gi dei som styrer NO sjansen til å vise kva dei kan prestere framover først.
Det er ca 2,5 mnd til sesongstart og det kjem nok til å skje fleire ting på spelarsida i klubben. Eg håpar me får inn fleire offansive krefter som kan supplere dei som allerede er i klubben og som blir satsa på. Men for at laget skal få den gode sesongen me alle håpar på, må dei og få bruke tid til å vurdere kva posisjoner og kva spelartypar dei må få inn. Me har alle vore vitne til nokon signeringar som ikkje slo til som td. Ricardo Santos. Derfor er eg ikkje det minste bekymra for at Flo og kompani brukar litt tid på dette no i oppkøyringa. Eit lite hint til dei som stressar voldsomt og misser nattesøvnen av at Sogndal pdd ikkje har “godt” nok lag - DET ER FORTSATT EI GOD STUND IGJEN TIL SESONGSTART!
Supportarhelsing frå hovedstaden - Sindre T. Myrvang