Bli med på superlaurdag!

Laurdag 26. mars er det klart for ein skikkeleg SUPERLAURDAG i Sogndal!

Dagen startar allereie klokka 12.00 i Sognahallen. Der vil det vere ulike aktivitetar, kiosk, bilmessa og meire til. Saftkokaradn skal også ha ein stand her for rekruttering av nye medlemmar og diverse. Me vil veldig gjerne sjå deg i hallen også om du allereie er medlem. Kanskje vil du stikke innom for ein god fotballprat, eller for å sjekke ut dei andre aktivitetane?

Klokka 14.00 byrjar årsmøtet til Saftkokaradn, der me oppfordrar alle medlemmar til å møte opp. Her vert det servert gratis pizza til alle som er medlemmar og årsmøtet vert gjennomført på tradisjonelt vis. Nytt i år er at det for fyrste gong skal delast ut eit heidersteikn. Det kjem ein uforpliktande påmelding på facebook slik at me har oversikt over kor mykje pizza me skal bestille.

Etter årsmøtet kjem dagens høgdepunkt! Sogndal - Brann vert sparka i gang klokka 16.00. Me i Saftkokaradn er klare for den fyrste kampen på feltet vårt i år. Sesongkortet gjeld for dei som har kjøpt. Om du ikkje har fått kortet ditt kan det hentast i billettbui frå klokka 14.00 på laurdag. For dei som ikkje har sesongkort får ein gratis billett om du går innom ein av bilforhandlarane i hallen før årsmøtet.

Dette vert ein kjekk dag som me håpar at flest mogleg deltek på! Velkommen til Fosshaugadn og superlaurdag!