3 poeng i serieopninga!

Det vart ein flott 2-0 siger og 3 poeng i serieopninga av OBOS-ligaen 2022! Me tok i mot Raufoss til den fyrste kampen i årets sesong, og det vart etter kvart ein flott måte å starte sesongen på. Kampen opna ganske gjamnt med sjansar til begge lag. Raufoss var farleg frampå ved fleire anledningar, utan at det vart noko sluttprodukt ut av sjansane. Me sleit litt med å skapa dei heilt store sjansane, men etter halvtimen skulle årtes fyrste scoring kome. Kristoffer Nessø spelte fri Andreas van der Spa som hadde tatt turen opp frå stopparplass på corner og 1-0. Det var og stillinga til pause.

Andreomgang starta med eit smell! Sogndal tok avspark, Flo lempa ballen i bakrom mot Nessø som nådde ballen fyrst og vart boksa ned av Lauvli i Raufossmålet. Straffe etter mindre enn 30 sekund ut i omgangen. Den satte Kristoffer Hoven kontrollert i mål og 2-0 var eit faktum! Dette vart starten på ein god omgang der me i lange periodar skapte mykje. Sjølv om me hadde nokre store sjansar vart det ikkje fleire mål i kampen. Dei siste 10 minutta vart me veldig lave og hadde meir enn nok med å halde tett bakover. Raufoss hadde mykje ball, og me fekk nokre kontringsmoglegheiter. Det enda altså 2-0 og totaltsett ein fortjent seier i Tore André Flo sin fyrste kamp! No tek me turen til Stabæk og Nadderud mandag 11.4 klokka 18.00!