Nye songar på Spotify!

Me har no over tid jobba for å få dei flotte sangane som ligg på YouTube publisert på Spotify. Sølve Stang som har skrive «Eit folk står samla» og «Ode til Sogndal» har vore veldig villig til å få dette til, og no ligg dei ute på Spotify begge to.

«Eit folk står samla» er ein av dei flottaste sangane om klubben vår, og me har lenge ønska at den vart tilgjengeleg på Spotify. Då kan den lastast ned, leggast til i spelelista og spelast på full guffe både på bortetur og ellers.

«Ode til Sogndal» er ein av sangane som har vorte mindre spelt, og som færre har høyrt, men ikkje mindre fin av den grunn. Denne er det berre å legge til i spelelista å spele om igjen og om igjen!

Sangane finn du på Spotify og det kjem videoar med sangane på vår YouTube-kanal etterkvart!

Tusen takk til Sølve for at han har samarbeida i prosessen! Lat oss takka han med å spela sangane inn på hitlistene;)

Ein annan sang som nyleg har kome på Spotify er ein sang der Saftkokaradn faktisk står oppført som medverkande artist. Den heiter «.berra nyt da!» av Ivar and the Lundefugls feat. Marita Myklemyhr Holen & feat. Saftkokaradn. Den finn du på Spotify.

No er det berre å spela musikk og få opp stemninga inn mot kampane!

Forrige
Forrige

Solid poeng mot Stabæk!

Neste
Neste

3 poeng i serieopninga!