Ny siger mot Bryne!

Det enda med ny siger og 3 viktige poeng i årets tredje seriekamp. Denne gong var det Bryne som var på besøk på Fosshaugadn!

Me fekk sjå eit Sogndallag som etter 5 litt sløve minutt verkeleg trøkka til. Allereie etter 8 minutt spelte Andreas van der Spa opp på ein feilvendt Valdimar Ingimundarson. Han vendte vekk to mann, akselererte fordi den neste og banka ballen i mål frå godt over 20-25 meter! Etter 44 minutt sprang Ulrik Mathisen frå alt og alle. Alle taklingsforsøk frå Brymespelarane var sjanselause når Mathisen enkelt smatt forbi. Tilslutt var han heilt åleine igjennom og vart felt av Pål Aamodt. Raudt kort og 11 mot 10 i andreomgang.

I andreomgang skulle me få fleire mål. Etter 63 minutt spelte ein god Ørjasæter gjennom Per Egil Flo på ein flott stikkar. Han la den ut 45 grader der Andreas Hoven banka ballen i mål. Fortjent 2-0 og god kontroll på kampen frå Sogndal. Men det skulle fortsatt bli spennande. Bryne klarte å heva seg og skapte meir og meir. Etter 80 minutt spelt vart Renze for sein når han feilberegna eit innlegg. Det enda med straffespark og gult kort. Det satte Dybevik kontrollert i mål. 2-1 med 10 minutt igjen å spele. Det vart og sluttresultatet.

Ein fortjent seier totaltsett, sjølv om det vart litt unødvendig spennande på slutten. Ein veldig bra start på sesongen med 7/9 moglege poeng. No skal me møta Brann i Bergen på laurdag. Det gler me oss veldig til! Stao no Pao!