Før eit av vårens vakre fotballeventyr!

Hei alle fotballvener!

Her kjem ei lita melding frå styret før eit av vårens vakre eventyr.

Vi er mange som no gledar seg til laurdagskampen kl 20 mot Brann og til sosialiseringa før det! Vi har som dei fleste veit regi på eit flott arrangementet på Finnegans, som både Fjøsne (i SA-sak) og Sindre (på morgonsendinga kl 0720 i dag) har formidla godt og som de finn arrangementsinfo om separat her. Klubben har eit eige opplegg med buss og avreise laurdag morgon. Vi møtast sjølvsagt undervegs. Nokre av oss reiser alt i kveld i grupper, andre reiser privat og mange bur og studerer der og kjem kortreist.

Vi håpar dei må utvide borteseksjonen for å få plass til oss og at vi vert godt over 600 samla der. På kampen blir det synging, flagging og litt konfetti. Syng med! Still opp i våre kampfargar. Bli gjerne med på våre sosiale samlingar. Først og fremst: NYT DET!

Eg vil til slutt minne om at vi representerer fleire enn oss sjølve på tur og at vi har verdiar vi står for når vi tek på oss drakta. https://www.saftkokaradn.no/supportarskikk

Frå Øyvind og på vegne av styret. SNP og god kamp!