Saftkokaradn støttar Sogndal FK Damer!

På årsmøtet for 2021 før årets sesong vart det vedteke at Saftkokaradn skal vere offisiell supporterklubb også for Sogndal FK Damer. Det betyr at me etter beste evne skal stille opp og lage god stemning på kampane deira. Me håpar at flest mogleg av medlemmane våre stiller opp og gjer ein innsats. Dette er eit spennande og heilt nytt lag som fortener vår støtte!

I serieopninga mot Høybråten Stovner på bortebane vann dei heile 5-0! Måla vart scora av Andrea Sælid Njøs, Marte Hovland, Mia Johannessen Bakke, Anna Grindhaug og Josefine Thorsnes Lefdal! Me gratulera med seier i den fyrste offisielle kampen.

Neste kamp, og den fyrste heimakampen kjem allereie no fyrstkommande søndag, 1. mai. klokka 15.30. Då vil me sjå deg på Fosshaugane Campus for å støtta jentene!

Denne helga er det pause for OBOS-ligaen så det er berre å ta turen til Fosshaugadn! Bli med å lag ei god ramma rundt ein historisk kamp. Det fortener dei. Alle medlemmar i Saftkokaradn får bruka sesongkortet sitt på feltet vårt på desse kampane. Medlemskortet finn du på gnist eller i gnist-appen om du vert bedt om å vise det.

Bli med på kamp og skap god stemning! Stao no Pao!