Kvalikk sikra, men spenning i siste kamp!

Det vart poengdeling nok ein gong etter at me rota vekk sigeren i sluttminutta mot Start.

Den fyrste omgangen vart ein gjamn omgang med mykje duellar og kriging. Begge lag hadde god kontroll på det motstandaren kom med offensivt, og innsatsen var god. Fyrst etter pause skulle måla koma. Sogndal gjekk ut i høgt tempo og fekk pressa Start bakover. Me produserte mange sjansar og hadde fleire moglegheiter til å scora. Etter 55 minutt enda ballen opp i beina til Kristoffer Nessø. Han fekk kontroll på ballen og banka den i mål. Fullt fortent 1-0.

Etter 1-0 tok Start over og kampbildet snudde feil veg. Me vart pressa lenger bak i bana og Start fekk styra kampen i større grad. Til slutt gjekk det som det så alt for ofte går. Ein glipp i våre bakre rekker, mål i mot, og to tapte poeng. Det betyr at me er sikra minimum 6. plass som betyr kvalikk. Åsane kan med siger få like mange poeng, men me har 15 mål betre målforskjell. Det betyr at det fortsatt vert litt spenning i siste kamp. Ull/Kisa må vinna for å sikra plassen. KFUM skal spele på heimebane mot Jerv som ikkje har noko å spele for, og må vinna for å klare 5. plass.

Me håpar at me endeleg kan slå Ull/Kisa på Jessheim og sikre 5.plassen. Då får me heimekamp mot KFUM eller Åsane. 6. plass gir bortekamp mot KFUM. Det ligg an til å bli ein spennande haust, og slik sett er alt som det skal vere i Sogndal. Stao no Pao!