Tap på Jessheim

Det vart tap mot Ull/Kisa denne gongen også. Ein iskald ettermiddag på Jessheim enda med 2-1 tap og 0 poeng i siste serierunde denne sesongen.

Allereie etter 12 minutt kom det mål i mot. Henrik Kristiansen satte ballen i mål etter pasning frå Sondre Sørløkk. Utanom det målet skjedde det lite. Einaste underhaldning å få med seg frå Jessheim var ein intens kamp mellom trommene på heime og borteseksjonen. Me låg under til pause, men trommekampen leda me iallefall.

Det vart ikkje stort betre i andre omgang. Heldigvis for bortefansen var Bjørn Skalle i storform på tribuna. Dommaren burde iallefall passa seg;) Etter 55 minutt gjorde Bakke eit trippelbytte. Etter det fekk me meir overtak og klarte å pressa heimelaget i større grad. Etter 70 minutt ga det resultat. Kristoffer Hoven som hadde vorte bytta inn satt ein etterlengta scoring. Fortent 1-1 med omtrent 20 minutt igjen. Dessverre skulle det nok ein gong kome mål i mot heilt mot slutten. Mikkel Rakneberg fekk ein ball i bakrom som han satte enkelt i mål. 2-1 til heimelaget, som også vart sluttresultatet.

Etter kampslutt var det nokre nervøse minutt fram til Stjørdals Blink - Aalesund var ferdigspelt. Der vann heimelaget 1-0 som betyr at det blir spel i PostNord for Ull/Kisa til neste år. KFUM vann sin kamp mot Jerv og gjekk forbi oss på tabellen. Det betyr 6. plass for oss og bortekamp mot KFUM i fyrste kvalikkamp onsdag 1. desember. Den kampen vert spelt på Intility. Stao no Pao!