Månadens spelar i Mai: Kristoffer Hoven

Månadens spelar for Mai er kåra, og vinnaren vart Kristoffer Hoven!

Med sine tre mål på dei fire fyrste kampane er Kristoffer Hoven godt i gang med årets sesong. I fjor endte han på andreplass på toppscorarlista, etter å ha scora heile 17 mål. På spørsmål om kva som er målet for årets sesong svarte han:

- Eg er fornøgd med antall mål hittil. Målet må være å score fleire mål enn i fjor.

I det som har vore ein litt tung periode for laget, kva følelse gjer da deg å vera i god form sjølv?

- Det er veldig kjedelig at vi ikke har startet så bra, men stor tro på at det vil snu. Det føles alltid bra å bidra med mål.

Korleis er stemninga i gruppa etter sesongstarten?

- Stemningen er god, vi kan ikke gjøre annet enn å være positive og jobber hardt for å snu dette.

Er det vanskelig å omstille og tenke på neste kamp når dei gode resultata uteblir, eller gjer det ein større motivasjon for å slå tilbake?

- Det er ikke vanskelig å omstille i det hele tatt. Vi er topp motivert for å slå tilbake.


Styret seier:

- I ein ellers ganske skuffande sesongstart er det godt å sjå at ein spiss kjem godt i gang. Kristoffer jobbar godt for laget og har fått uttelling i form av 3 mål. Han bidrar med duellstyrke og løpskraft, noko som han fekk vist på måla han har scora. Me håpar at scoringsformen fortset og at me sankar meir poeng i tida framover. Styret vil gratulera Kristoffer og ynskja han og laget lykke til vidare i sesongen.

For å vera med å stemma på månadens spelar for juni kan medlemmar bli med i Facebook-gruppa «Saftkokaradn»